Despois de que Vodafone e Altia chegasen a un principio de acordo sobre a venda do Data Center a esta última empresa, iniciouse un período de consultas entre o Comité de Empresa e Altia para garantir que as persoas afectadas por esta subrogación empresarial mantivesen as súas condicións individuais e colectivas.
O acordo alcanzado foi respaldado pola totalidade do colectivo afectado, e asinouse o xoves 20 de xaneiro, de maneira que en breve debería de facerse efectivo o traspaso a Altia da titularidade do Data Center.
Desexámoslles o mellor ás compañeiras e compañeiros que nos deixan para continuaren a súa carreira profesional, esperamos que exitosa, nesoutra empresa.